Қорқыт ата кешеніне саяхат
qarmaqshy-tany.kz Қармақшы ауданы Тәйімбет Көмекбаев атындағы №250 мектеп-лицейінде ағымдағы жылдың 21 қараша күні мектеп тәлімгері Ш.Кәрібаев пен мектеп директорының тәрбие ісі жөніндегі орынбасары С.Бертілеуовтың ұйымдастыруымен “Жас ұланның жұлдызды жылы” жылдық жоспарына сәйкес ұлы өнерімен ұлы даланы тербеткен, күллі түркі әлеміне ортақ тұлға – Қорқыт ата мемориалды кешеніне 5 сынып оқушыларымен “Музей сағаты” акциясы өткізілді.
Бұл іс-шарада “Жас Ұлан” ұйымының мүшелеріне артына таусылмайтын мол рухани қазына қалдырған, жан-дүниеңді шымырлатар күй тудырған “Қорқыт Ата” мемориалдық кешеніне саяхат жасалды.
