Ағаштан кәдесыйлар жасайтын жомарт шебер
qarmaqshy-tany.kz Халқымыздың өмір-тіршілігінде ағаштан жасалатын бұйымдар өте кең таралған. Сонымен бірге, қазақтың тұрмыстық тұтынуындағы бүтін аспаптың түгелдерлігінің заты ағаш. Бүгін біз сөз еткелі отырған кейіпкеріміз - Қармақшы ауданынан ермекті бизнеске айналдырған қармақшылық кәсіпкер Жомарт Рақымжанов 2020 жылы «Бизнестің жол картасы - 2020» бағдарламасы аясындағы мемлекеттік гранттар байқауына қатысты. Ағаштан ұлттық ыдыстар, кәдесыйлар жасау өндірісі жобасы үздік атанып, қаражатқа құрал-жабдықтар сатып алды.
Кәсіпкердің сөзінше, астау сияқты ыдысты дайындап шығару оңай бола қоймады. Бәрі де қызығушылықтан басталған. Кейін бұл ермек бизнеске айналған.
-Кәсіпкерлікте ең алдымен өз ісіңді жақсы көруің керек және шеберлігіңді дамытып, оны жетілдіріп отыруың қажет, - дейді кәсіпкер.
Аз уақыт ішінде Жомарттың кәсібилігінің арқасында өнімдері сұраныс артып, өңірде танымалдылығы артты. Ендігі таңда Жомарт Рақымжанов өнім түрлерінің желісін көбейтуді жоспарлап отыр.
