qarmaqshy-tany.kz «Азаматтарға арналған үкімет» мемлекеттік корпорациясы» коммерциялық емес акционерлік қоғамының Қызылорда облысы бойынша филиалы «Әлеуметтік төлемдерді ведомствоаралық есептеу орталығы» департаментінің Қармақшы аудандық бөлімінде «Қызылорда облысының архиві» кмм-нің «Қармақшы аудандық архиві» филиалының қызметкерлерімен бірлескен 17 қараша күні «Сыбайлас жемқорлыққа жол жоқ» атты дөңгелек үстел өткізілді.

Дөңгелек үстелдің мақсаты архивтік анықтама алу кезінде Сыбайластыққа жол бермеу, кемшіліктерді болдыртпау.

Дөңгелек үстелге Әлеуметтік төлемдерді ведомствоаралық есептеу орталығының басшысы З.Шаймерденова, қызметкерлер Д.Қожағұлова, Р.Жиенбаева және Қызылорда облысының мемлекеттік архиві кмм-нің «Қармақшы аудандық архиві» филиалының архивисттері А.Мешітбаева және З.Маханбетжановалар қатыстырылды.

Дөңгелек үстелде З.Шаймерденова сөз сөйлеп жеке тұлғалардан келген өтініштердің сапалы түрде қабылдануын, орындалуын, уақытылы берілу керектігін айтып өтті.

Архивист А.Мешітбаева 2022 жылдың 17 қарашасына дейін жеке және заңды тұлғалардан келіп түскен 604 сұранысқа заңға сәйкес жауаптар берілгендігін айтып өтті.

Заңдарды талқылап, сыбайлас жемқорлықтың алдын алу туралы пікірлер алмасты.

Мамандар бір біріне сұрақтар қойып, мол мағлұматтар алды.