qarmaqshy-tany.kz Бүгін аудан әкімдігінің мәжілісінде 15 қараша – Ұлттық валюта теңге күні және Қазақстан Республикасының қаржы саласы қызметкерлерінің кәсіби мерекесіне орай мерекелік қабылдау болып өтті.

Кездесу барысында аудан әкімі Әділбек Ерсұлтанов сөз алып, қаржы тайқазанының тұрақты дамуына зор үлес қосып жүрген сала қызметкерлерін құттықтап, игі тілегін жеткізді.

Жиын барысында ауданымыздың қаржы саласында еңбек етіп, ауданның әлеуметтік-экономикалық дамуына үлес қосып жүрген сала үздіктері ҚР қаржы министірлігінің және облыс әкімі мен аудан әкімінің «Алғыс хаттарымен» марапатталып,құрмет төрінен көрінді.

Сондай-ақ салтанатты шарада қоғамдық кеңес төрағасы Әбдірахман Құлдүйсенов және аудандық мәслихат хатшысы Әділ Қошалақов құттықтау сөз сөйлеп, ізгі тілектерін білдірді.

Қаржы саласы қызметкерлерінің кәсіби мерекесінде аудандық мәдениет үйінің өнерпаздары әннен шашу шашып, көтеріңкі көңіл-күй сыйлады.