Жәрмеңке қалалықтарды қуантты
qarmaqshy-tany.kz Ел ырзығын тасытып, берекесін арттыратын күз айлары – әлеуметтің қыс маусымына қапысыз қамдануға кірісетін шағы. Қамданыстың басты шарты, әрине жеткілікті азық-түлік қорын жасақтау екендігі бесенеден белгілі. Бұл әсіресе, көмір түсіріп, тамызық жинауға бас ауыртпайтын, қорасында қоңды мал ұстамайтын қалалық ағайынға тән сабылыс.
Өткен сенбіде Қызылорда қаласы тұрғындарына ауданның ауыл шаруа тұрғындарына ауданның ауыл шаруашылығы өнімдерін өндірушілерінің қатысуымен кезекті жәрмеңке өтті.
Оған 50-ден астам жүк көлігімен 100 тоннадан жоғары ауыл шаруашылығы өнімдері әкелініп, нарық бағасынан төмен бағада сатылды. Атап айтқанда, 20 тоннадан астам күріш, 60 тонна шамасында бақша өнімі, 7 тоннаға жуық ет пен балық, кондитер, бакалея және 220 келі сүт өнімі, 16 тонна жем-шөп пен 10 бас тоқты жеткізілді.
Жәрмеңкеге жарыса жүгірген жұртшылық қысқа қамданып, керекті өнімдерін алып, үйді-үйге жақсы көңіл-күймен тарасты. Қала тұрғындары өнім өндірушілер мен ұйымдастырушыларға алғыс айтуды да ұмытпады.
«Қт»ақпарат
