qarmaqshy-tany.kz Аудан орталығындағы С.Есқараев атындағы №27 орта мектебінде 8 - 11 сынып оқушыларымен семинар өтіп, мектепішілік "Инабат" қыздар клубының жетекшісі С.Шоқбарованың ұйымдастыруымен "Қыз өссе - елдің көркі" тақырыбында сала мамандарымен кездесу өткізілді. Кездесуге Аудандық "Жастар денсаулығы" орталығының психологі Ә.Кетебаева, аудандық СӨСҚ кабинетінің маманы Д.Құлмырзаева, АПб - нің ЖПҚб - нің ӘЗЗҚ тобының инспекторы полиция капитаны А.Қасымова, АПб - нің ЖПҚб - нің ЮПт - ның инспекторы полиция капитаны А.Шакзадалар қатысты. Кездесу барысында С.Шоқбарова қыз балаларға баяндама оқып, қыз бала мәдениеті мен танымына байланысты викториналық ойын ұйымдастырса, мектеп психологі Г.Тоқболатова "Айна" және "Менің мінез - құлқым" тақырыбында тренингтер өткізді. кездесуге келген сала мамандары өз салалары бойынша дені сау ұрпақ үшін қажетті алғышарттар жөнінде түсіндірме жұмыстар жүргізіп, қыз балаларға ақыл-кеңестерін айтты.