Саналы ұрпақ - сау болашағымыз

qarmaqshy-tany.kz Ауданымыздағы Қызылтам бекетіндегі №79-шы Қызылтам Мектебі оқушыларымен аудандық емхана психологы, Қармақшы Жастар Денсаулығы Орталығы психологы Әмина Кетебаева семинар-тренинг ұйымдастырып, маңызды тақырыптарда оқушылармен ой бөлісіп, тренингтер жасады.

Атап айтсақ, жасөспірімдер арасында кездесетін зиянды әдеттердің, әлімжеттіктердің алдын алу, тұмаудан сақтану, денсаулықты сақтау, өз эмоциясын басқара жүріп,қоғамда дұрыс қарым-қатынас орнату, өз ойларын, өз сенімдерін жетілдіру арқылы болашаққа айқын мақсат қоя білуге жаттығу жайлы пайдалы кеңестер айтып, тақырыптар аясындағы оқушылар сұрақтарына жауап беріп, пікірлерін тыңдады.

"Жаңылтпаш" тренингі жасалып,кері байланыстар орнады. Облыстық Жастар Денсаулығы Орталығы ндағы "Қызу желі" телефоны насихатталып, АТМ-дар таратылды.

Көңілді атмосфера орнап, ықыласпен тыңдалған кездесуден күтер нәтижеміз көп.