qarmaqshy-tany.kz "Өрлеу" БАҰО АҚФ Білім беру жүйесінің басшы және ғылым педагогикалық кадрлары біліктілігін арттыратын республикалық институты Инновациялық білім беру және ақпараттық технологиялар кафедрасының аға оқытушысы Гүлжанат Габдулахметқызы Байболованың жетекшілігімен қазан айының 10-21 аралығында аудан орталығындағы Шоқан Уәлиханов атындағы №26 мектеп базасында мектеп басшыларына арналған "Жан басына қаржыландыруға өту жағдайындағы инновациялық менеджмент" тақырыбында біліктілік арттыру курсы өткізілуде. Курс барысында тыңдаушылар "Педагог" кәсіптік стандарты жобасын талқылады. Жоба қорғау кезінде мектеп басшылары қоғамдағы педагогтың рөлі, гуманизм, педагогикалық шеберлік, кәсіптік білім, құзіреттілік, этикалық нормалар және инновациялық білім берудегі құндылықтар тақырыбында талқылау жасап, ой қозғап, өз ойларын ортаға салды.