Қаржы ұйымдарымен кездесу
qarmaqshy-tany.kz «Бизнеске арналған үкімет» КММ ұйымдастыруымен Қармақшы аудандық кәсіпкерлік, өнеркәсіп және туризм бөлімінде ісін енді бастаған кәсіпкерлермен кәсіп бастауға ниетті азаматтармен кәсіпкерлік саласын насихаттау мақсатында кездесу өтті.
Кездесу мақсаты аудан тұрғындарын жұмыспен қамту мақсатында 2021-2025 жылдарға арналған кәсіпкерлікті дамыту бойынша құзырлы ұйымның жауапты мамандарымен мемлекеттік бағдарламалар арқылы берілетін қайтарымсыз грант пен төмендетілген несие талаптары мен шарттары туралы түсіндірме жұмыстарын өткізу.
Жиын барысында арнайы құзырлы ұйымдар «Бизнеске арналған үкімет» КММ-сі директорының орынбасары Қыпшақбаев Бауыржан Алтынбекұлы, «Қызылорда» өңірлік инвестиция орталығы» микроқаржылық ұйымы ЖШС-нің несие бөлімінің эксперті Бутантаев Алтынбек Суындықұлы, «Атамекен Қызылорда» микроқаржы ұйымының несие менеджері Метеров Азамат Ықпалұлы, «Аграрлық несие корпарациясы» АҚ несиелендіру бөлімінің маманы Рахымшаев Еркінбек Мирамбайұлы қатысып, сұрақ-жауаптар талқыланып, айтылған ұсыныстар бойынша керекті ақпарапттар алынды.
