«Жырың болып төгілемін, елім!»

qarmaqshy-tany.kz «AMANAT» партиясы жанынан құрылған «Жастар рухы» жастар қанаты және Қармақшы ауданы бойынша білім бөлімі мен оқушылар үйінің ұйымдастыруымен 25 қазан –Республика күніне орай 21 қазан күні «Жырың болып төгілемін, елім!» тақырыбында аудандық мәнерлеп оқу байқауы өтті.

Байқауға аудан мектептерінен 23 оқушы қатысып, ел тәуелсіздігін жырлаған ақын-жырау, би-шешендердің шығармаларынан бір шығарманы мәнерлеп оқыды. Байқауда ардагер ұстаз Р.Қаратаева, Халықаралық "Қазақ тілі" қоғамы қоғамдық бірлестігінің Қармақшы аудандық филиалының төрайымы К.Раева, Қармақшы ауданының оқушылар үйі директорының оқу-тәрбие ісі жөніндегі орынбасары Қ.Манасова қазылық жасап, қатысушылардың өнерін бағалауда үміткерлердің мәнерлеп оқу шеберлігіне, сахнада өзін-өзі ұстауына, киім үлгісіне баса назар аударды. Сайыс қорытындысы төмендегідей:

І орын - №272 мектеп-лицейінің 8 сынып оқушысы Нұртазаев Батырхан;

ІІ орын - №27 мектептің 7 сынып оқушысы Мұхамбетқали Раида;

ІІ орын - №111 мектептің 5 сынып оқушысы Елдес Мәди;

ІІІ орын - № 28 мектептің 8 сынып оқушысы Сандыбайұлы Досымжан;

ІІІ орын - №269 мектептің 8 сынып оқушысы Амантаев Диас;

ІІІ орын - №121 мектептің 5 сынып оқушысы Мұхамбетқали Сарбиназ.

Алғыс хат: №79 мектептің 9 сынып оқушысы Әшірбек Сымбат;

№273 мектептің 8 сынып оқушысы Назарова Меруерт;

№99 мектептің 8 сынып оқушысы Аманжолов Саябек;

№199 мектептің 5 сынып оқушысы Қолғанатов Нұрымжан;

№277 мектептің 6 сынып оқушысы Мирамбекқызы Аружан;

№29 мектептің 6 сынып оқушысы Болысбекқызы Бекназ.