qarmaqshy-tany.kz Ү.К.Томанов атындағы N183 орта мектебінде жаратылыстану пәндер бірлестігінің "Жаратылыстану әлеміне саяхат" такырыбындағы апталықтың жоспарына сәйкес биология пәнінің мұғалімі Сатылғанова Жадыра 7 сынытар арасында «Биологиялық экспресс» сайысын өтті.

Мақсаты: - оқушылардың биология пәні бойынша алған білімдерін бекіту, тереңдету, жан-жақты мәлімет беру, толықтыру және қорыту.

- оқушыларды бірлікке, ұйымшылдыққа, адамгершілік қасиеттерге баулу.

- оқушылардың логикалық ойлауын, сөйлеу қабілеттерін түйсігін, дүниетанымын дамыту, танымдық қабілеті мен пәнге деген қызығушылығын арттыру. Сайыс "Таныстыру", «Иә, жоқ?», "Биологиялық алфавит", «Биологиялық аукцион», «Логикалық сұрақтар» кезеңдерінен тұрды. Сайыс барысында топтар ұтқырлықпен және тапқырлықпен жауап беру арқылы өз білімдерін көрсте білді. Сайыс қорытындысы бойынша "Табиғат" тобы 47 ұпай, ал "Экология" тобы 62 ұпай жинап 1 орынға ие болып, мақтау грамоталары табысталды. Сайыста көрермендер арасынан Базарбай Нұрислам, Бейсен Диас, Назарова Альбина, Сағынбек Бейбарыс аса ұқыптылықпен жауап беріп, сыйлықтармен марапатталды.