«Тоғызқұмалақ» үйірмесі
qarmaqshy-tany.kz Қазақ халқының ұрпақтан - ұрпаққа жалғасып келе жатқан төл мұраларының бірі – тоғызқұмалақ. Бүгінде ұлттық ойынымыз Қазақстан Республикасында ғана емес, халықаралық деңгейде де жоғары қарқынмен даму үстінде.
Осыған орай, Т.Көмекбаев атындағы №250 мектеп-лицейі жанынан «Тоғызқұмалақ» үйірмесі жұмыс жасап келеді. Үйірме жетекшісі жас маман Д.Тоқсанбаев. Үйірме аптасына 1 рет өткізіледі. Сабақ барысында оқушылар тоғызқұмалақтың тарихымен танысып, тақтасын және жүрістерін меңгеріп келеді. Оқушылар үйірмеге деген қызығушылықтарын танытып, белсенділікпен қатысып жүр.
