"Ешнияз сал" атындағы жыр-терме үйірмесі ашылды

Қармақшы ауданы әкімдігінің қолдауымен, Алдашбай ахун округі тұрғындарының сұранысымен 2020 жылдың желтоқсан айынан бастап жергілікті бюджеттен қаржы бөлініп, К.Рүстембеков атындағы "Жыраулар үйінің" жанынан "Ешнияз сал" атындағы жыр-терме бағытындағы тағы бір үйірме ашылып, Алдашбай ахун ауылында өз жұмысын бастады. Үйірмеге "Дәстүрлі музыкалық өнер" мамандығы бойынша жоғары білімді жас маман Бүркітбай Ақсұңқар жетекшілік жасайды.