25 қазан - Республика күні

qarmaqshy-tany.kz ҚР Президенті Қасым-Жомарт Тоқаев: "Республика күні елдің мемлекет құру жолындағы тарихи қадамының символы болуы керек. Әрине, Тәуелсіздік күнінің бастапқы мәні сақталады. Бұл күн мемлекеттік мереке болып қала береді. Бірақ тәуелсіздік алуға зор үлес қосқан ұлттық батырларымызға тағзым күні ретінде атап өтілуі керек."

Бұл күн мемлекетіміздің қалыптасу тарихы ұлықталатын, өткеннің өнегесін өскелең ұрпаққа насихаттайтын күн болмақ.

Осы айтулы күнге орай Қармақшы Аудандық Орталық Ауруханада "Ашық есік" күні өтті.

Онда жалпы тәжірибелі дәрігер, кардиолог, әлеуметтік қызметкер, психолог, медбике мамандар халыққа қызмет көрсетті. Келушілерге кезексіз кеңес беріліп, артериялық қан қысымы, бой мен салмақ өлшеніп, қандағы қант пен холестерин мөлшері анықталды.

Денсаулық сақтау мамандары тұрғындарға өз денсаулығына жауапкершілікпен қарауына, оны нығайту мен сақтау тәсілдері туралы ақпарат берді.