«Ең үздік медиатор мектебі» жалпы білім беретін мектеп аралық республикалық байқаудың аудандық кезеңі.
10 қазан күні өткен «Ең үздік медиатор мектебі» тақырыбындағы конкурстың аудандық кезеңіне жалпы білім беретін мектептің 8-11 сынып оқушылары қатысты. Байқаудың мақсаты - білім беру ордасында туындайтын даулар мен жанжалдарды реттеудің баламалы тәсілі ретінде білім беру қоғамдастығында медиация рәсімін танымал ету, оқушыларға кәсіптік бағдар беру, білім ордасында туындайтын даулар мен жанжалдарды шешу, қалпына келтіруге негізделген медиация бағдарламаларының мүмкіндіктерін оқушылар мен оқытушылардың назарына ұсыну.
Байқау аясында жарыстар келесі бағыттар бойынша өткізілді:
1)«Жанжал және оны шешу» тақырыбында суреттер конкурсы.
2)Мектеп медиациясы қызметтерінің логотиптер конкурсы.
3)Мектеп медиация тақырыбындағы бейнефрагменттер конкурсы.
4)«Медиатор – келіссөздер шебері» эссе байқауы.
Тіркеліп, жиналған жұмыстарды зейнеткер, медиатор Ақжігітов Амангелді, «Ұлт бірлігі-Қармақшы» қоғамдық бірлестігінің төрағасы, зейнеткер әрі медиатор Құндақбаев Шегебай және кент медиаторлар тобының жетекшісі, кент ардагерлер кеңесінің төрағасы Ұзақбаев Ерболдар саралап, қорытындысын шығарды.