"Жас өлкетанушылар"

Қармақшы аудандық тарихи - өлкетану музейінің жанынан құрылған "Жас өлкетанушылар" үйірмесінің мүшелері ортағасырлық Сортөбе қалашығында экскурсияда болды. Аудан орталығынан 12 шақырым қашықтықтағы қалашыққа экскурсиялық саяхатқа апарылған оқушылар көне қаланың орнын тамашалап, ортағасырлық Сортөбе қалашығы туралы тың деректермен қанықты. Тарихы тереңде жатқан осынау көне қала орнын көзбен көрген үйірме мүшелері өз таңданыстарын білдіріп, музей қызметкерлеріне алғыстарын жеткізді.