"Қазақфильм" киностудиясы Қорқыт және қобыз туралы түсірілімдер жасады

Қазақстан Республикасының Мәдениет және спорт министрлігінің тапсырмасы бойынша Шәкен Айманов атындағы "Қазақфильм" киностудиясы көнеден келе жатқан қазақ халқының музыкалық аспабы - қобыз жайында документалды фильм түсіру мақсатымен Қазақстанның әр өңірі бойынша мәдениет ошақтарында болып, қобыз аспабына қатысты көптеген зерттеулер жасап, аспапқа байланысты ақпараттар жинақтау үстінде.
Әсіресе түркі әлеміне ортақ тұлға Қорқыт бабаның жатқан жері Сыр өңіріне арнайы келіп, Қорқыт және қобыз туралы түсірілімдер жасады. Продюсер Айгерім Бақыт, картина авторы және қоюшы режиссёр Ален Рахметалиев, фильмнің басты кейіпкері, танымал музыкант Саян Ақмолдаев өз шәкірттерімен аудандық тарихи - өлкетану музейінде де болды.