Қармақшы ауданының оқушылар үйінде 3 қазан күні «Интеллект» бірлестігінің ұйымдастыруымен «Ұстаз аты - биік әрі мәңгілік» атты он күндігінің ашылуы болып өтті. Ұстаздарды төл мерекелерімен құттықтай отырып оқушыларды ұстазды құрметтеуге, сыйлауға үйрету мақсатында ұйымдастырылған шара барысында «Интеллект» бірлестігіне қарасты үйірме мүшелері ұстаздар қауымын мерекемен құттықтап, әсем әндер шырқады. Мерекелік көңіл сыйлаған шарада балалар да белсенділік танытып, «Ұстазыңды таны» ойынында тапқырлықтарын білдірді. Іс-шара соңында ұстаздар мен оқушылар естелік суретке түсті.