Революцияға дейін ауылнай, ауылдық кеңес, ХХ ғасырдың 30 жылдарынан бастап Жосалы поселкелік советі, Жосалы поселкасы атқару комитеті, Жосалы поселкелік Кеңесі, Жосалы қыстақ әкімшілігі, Жосалы кенті әкімінің аппараты болып атауы сан мәрте өзгергенімен халыққа қызмет көрсету бағыты өзгермеген Жосалы кентінің әкімшілігінде қаншама адам елге абыройлы қызмет етті.

Осы кісілердің салған сара жолымен, ізін жалғаушы Жосалы кенті әкімшілігінен зейнетке шыққан 15 аға, апаларымыздың басын қосып, «1 қазан Халықаралық қаттар күні» мерекесі қарсаңында құрмет көрсетілді.

Бұл ардагерлер екі дәуірдің сұранысы мен талабынан шыға білген, әрқайсысы өзіне жүктелген қызметі арқылы халық тұрмысын жақсартуға лайықты үлес қосқан азаматтар.

Шақырылған қонақтарды Жосалы кентінің әкімі Шыңғыс Әбділәмитұлы арнайы құттықтап, мерекелік сый-сияпат жасады.

Ерекше құрметке бөленген зейнеткер аға-апаларымыз ұжымға шынайы алғыстары мен баталарын берді.