Бүгінгі күнді тарихи күн деп айтуға болады. Себебі, бұған дейін Жосалы кентінің әкімшілігінде жұмыс жасайтын қоғамдық жұмысшыларды құрметті зейнет демалысына шығарып салу рәсімі болмаған екен.
Жалпы кез келген істе төккен тер жауапсыз, нәтижесіз қалмайды. Адал іс абыройға бөлейді, адал еңбек ешқашан құндылығын жоймайды.
Осы ретте, бүгін Жосалы кентінің әкімі Шыңғыс Әбділәмитұлы қоғамдық негізде жұмыс жасайтын Дәулетбаева Ажар мен Жұрманова Қаншагүл апаларамыздың ұзақ жылдар бойы көркейту, тазалық жұмыстарына қосқан қажырлы еңбектерін бағалап, Жосалы кенті әкімінің «Алғыс» хатымен марапатталды.
Қазақы дәстүрмен иықтарына камзол, бастарына жаулық тартып, сый-сияпат жасалды. Бұдан кейін аудандық ардагерлер Кеңесінің төрағасы А.Мереков, Жосалы кенті ардагерлер Кеңесінің төрағасы Е.Ұзақбаевтар марапат иелеріне жылы лебіздерін білдіріп, Жосалы кенті әкіміне, ұжымның жұмысына сәттілік тіледі.