21 сәуір – Дүниежүзілік шығармашылық және инновация күні
Бұл күнді атап өту әлемде 2002 жылдан бері қолға алына бастаған. Бірақ араға жылдар салып, тек 2017 жылдың 21 сәуірінде БҰҰ Бас Ассамблеясының қарарымен Дүниежүзілік шығармашылық және инновация күні деп бекітілді. Жалпы Халықаралық ұйымның баяндамасына сүйенсек, инновация 21-ғасырда әлем халқына зор мүмкіндік әкелді. Өйткені ол экономиканың қарқындап дамуына жағдай жасады. Кедейшілікпен күресте де ықпалды. Ал шығармашылық пен мәдениет қоғамның әлеуметтік дамуы мен өзара түсінісуіне жол ашады. Сондықтан БҰҰ инновация мен шығармашылықтың әлемнің тұрақты дамуы үшін маңызды екенін алға тартады. Қазақстан да инновацияға ерекше көңіл бөліп келеді. Бұл бағыт «Қазақстан 2050» стратегиясында айшықталған.
24.kz
