«Ерлік-елге мұра, ұрпаққа ұран» кәсіби бағдар беру мақсатында Қармақшы ауданының Полиция бөлімінің Жергілікті полиция қызметі бөлімшесінің Ювеналды полиция тобының кәмелетке толмағандар істері жөніндегі учаскелік полиция инспекторы полиция капитаны Мухамедьяров Галымжан Махсатовичпен №121 орта мектептің жоғары сынып оқушыларын Полиция бөлімінің жұмысымен, сондай-ақ бөлімнің мұражайымен танысу шаралары жүргізілді.
Бұл шара «Балалар жылын» өткізу жөніндегі облыстық іс-шаралар жоспарына байланысты ұйымдастырылды.
Мақсаты – кәмелетке толмағандардың құқықтық сауаттылығын қалыптастыру, отбасылық және адамгершілік-рухани құндылықтарды насихаттау, азаматтардың ішкі істер органдарына сенімін арттыру, сондай-ақ кәмелетке толмағандарды полиция жұмысымен таныстыру және қауіпсіздік шараларына үйрету.