» » Сыр елінің тумасы Ұзақбай Қарамановтың есімі ұлықталды

Сыр елінің тумасы Ұзақбай Қарамановтың есімі ұлықталды

Бүгін қаламызда тәуелсіз елдің тұңғыш Премьер-Министрі, теңізді өлкенің тумасы, көрнекті мемлекет және қоғам қайраткері Ұзақбай Қарамановқа көше атауы берілді.
Игілікті шараға облыстық мәслихат хатшысы Наурызбай Байқадамов, ҚР Парламентінің Сенаторы, техника ғылымдарының докторы, профессор Бақытжан Жұмағұлов, қоғам қайраткері, ардагер Самұрат Имандосов, облыстық ардагерлер кеңесінің төрағасы Серік Дүйсенбаев және Ұ.Қарамановтың әулеті мен қала тұрғындары қатысты.
Жиында облыстық мәслихат хатшысы Наурызбай Байқадамов алғы сөз алып, Ұ.Қарамановтың ел дамуына қосқан өлшеусіз еңбегі мен өнегелі жолын барша жұртшылыққа дәріптеу керектігін тілге тиек етті.
- Елі мен жері үшін толағай қызмет атқарған ұлы адамдардың өмір жолы болашақ ұрпақ үшін әрқашан өнеге. Бүгін Сыр төрінде есімі алты алашқа танылған, нар тұлғалы азаматтардың бірі – Ұзақбай Қарамановтың есімін ұлықтауға жиналдық. Кеңес Одағы заманында өндірістердің жұмысы тоқтап, әлеуметтік мәселелердің күрделенген кезеңінде жауапты қызмет атқарып, аянбай еңбек етті. Қайраткер тұлғаның есімі елге ғана емес, алыс жақын шет мемлекеттерге де белгілі. Ол құрылыс және сәулет саласында өзіндік қолтаңбасын қалдырды. Оның Астана мен Алматы секілді алып шаһарлардағы теңдессіз ғимараттардың авторы екендігін барша жұрт жақсы біледі. Сол себепті Сырдың тумасын ұлықтау, оның еңбегін болашақ ұрпаққа насихаттау біздің парызымыз, - деді облыстық мәслихат хатшысы Наурызбай Байқадамов.
Өз кезегінде қоғам қайраткерлері мен ардагерлер сөз сөйлеп, Ұ.Қарамановтың өмір жолын еске алды. Сондай-ақ, Ұзақбай Қараманұлының жұбайы Ұлдай Рахметоллаева жарының ерекше қасиеттерін жиналған жұртшылыққа айтып, өз алғысын жеткізді.
Айта кетейік, Ұ.Қарамановтың 85 жылдығына орай конференция өткізіліп, арнайы ас берілді.

Өңірлік Коммуникациялар Қызметі

30 қыркүйек 2022 ж. 651 0

PDF нұсқалар мұрағаты

№7 (10375)

28 қаңтар 2025 ж.

№6 (10374)

24 қаңтар 2025 ж.

№5 (10373)

21 қаңтар 2025 ж.

Хабарландыру

Хабарландыру

Хабарландыру

21 қаңтар 2025 ж.
Байқау

Байқау

24 желтоқсан 2024 ж.

Оқиғалар

Әженің ашуы
02 қаңтар 2025 ж. 346
Ақсұлу

Ақсұлу

29 желтоқсан 2024 ж.

Суреттер сөйлейдi

Жаңалықтар мұрағаты

«    Қаңтар 2025    »
ДсСсСрБсЖмСбЖс
 12345
6789101112
13141516171819
20212223242526
2728293031