Президент Жолдауы қоғамдық кеңес отырысында талқыланды

Бүгін аудандық Қоғамдық кеңес мүшелерінің қатысуымен Мемлекет басшысы Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына арналған Жолдауы талқыланды.

Жиында аудандық Қоғамдық кеңес төрағасы, қоғамдық штаб мүшесі Ә.Құлдүйсенов ел дамуына ерекше серпін беретін бағдарламалық құжаттың маңыздылығына тоқталып, түсіндірме жүргізді.

Сондай-ақ, жиынға қатысушылар Жолдауда көзделген бағыттар бойынша орамды ойларын ортаға салып, еркін форматта талқылау өткізді. Президент жолдауына қолдау көрсетіп, алдағы уақытта ел игілігі үшін оң өзгерістер болатынына сенімдерін білдірді.