Елдің өркендеуіне өз үлесін қосып,саналы ғұмырында аянбай еткен ардақты азаматтардың есімі ешқашан ұмытылмайды. Өз ісінің білгірі атанған қайраткерлердің атқарған қызметі мен ел дамуына қосқан үлесі ұрпаққа үлгі-өнеге болып қала береді. Саналы ғұмырында заң саласының білікті де білімді маманы атанып, туған жердің сүйікті перзенті ретінде танымал тарихи тұлғалардың бірі - Сүлеймен Есқараевқа - 125 жыл.

Сүлеймен Есқараев - өз елінің мақтанышы.Кеңес үкіметіне қарсы және ұлтшыл деген айып тағылып, саяси қуғын-сүргін құрбаны болған Қазақстанның тұңғыш прокуроры. Осыған орай Кент кітапханасының ұйымдастыруымен Жастар Ресурстық орталығы жастарының қатысуымен кітапханада С.Есқараевтың 125 жылдығына "Қазақтың тұңғыш прокуроры" атты кітап көрмесі ұйымдастырылып, "Сырдың заңғар заңгері" атты кітапханалық сағат өткізілді.