Жолдау бағыттары түсіндірілді
Қармақшы аудандық мәслихаттағы "AMANAT" партиясы депутаттық фракциясының мүшелері С.Жұмадьяров және И.Қабатова Байқоңыр қаласындағы жұмыспен қамту орталығының "Бақытты отбасы" секторының өкілдерімен кездесіп, Мемлекет басшысы Қасым-Жомарт Кемелұлы Тоқаевтың "Әділетті мемлекет.Біртұтас ұлт.Берекелі қоғам" атты Қазақстан халқына арнаған Жолдауындағы басым бағыттарын түсіндірді.
Шара аясында депутаттық фракциясының мүшесі С.Жұмадьяров Мемлекет басшысы Қ.К.Тоқаевтың Жолдауында еліміздегі жүргізіліп отырған Конституциялық реформаның негізгі бағыты - саяси-әлеуметтік жүйені жаңғырту арқылы әділетті Қазақстанды құру екендігін айтып, халықтың әл-ауқатын арттыру, тұрмысы төмен отбасылардың жағдайына көңіл бөліп, мүмкіндігі шектеулі азаматтардың жағдайын жақсарту, шағын және орта бизнесті дамыту, макроэкономикалық жүйені тұрақтандыру, жаңа салық саясатын енгізу, білім мен медицина саласындағы атқарылатын басым бағыттарға тоқталып өтті. Сонымен бірге, депутаттық фракциясының мүшесі И.Қабатова жастарға арналған басым бағыттарын түсіндірді.
