Қармақшы ауданы, Қуаңдария ауылында «Қуаңдария» БПҰ төрағасы ауылдық округі әкімі Аймырзаев Ардақ Басқынбайұлы және топтық партия ұйымдарымен Қазақстан Республикасының Президенті Қасым-Жомарт Кемелұлы Тоқаевтың Қазақстан халқына арнаған "Әділетті Мемлекет Біртұтас Ұлт Берекелі Қоғам" жолдауына түсіндірме жұмыстары жүргізілді.

"Қуаңдария" БПҰ төрағасы А.Аймырзаев шара аясында Қ.К.Тоқаевтың Жолдауында еліміздегі жүргізіліп отырған Конституциялық реформаның негізгі бағыты - саяси-әлеуметтік жүйені жаңғырту арқылы әділетті Қазақстанды құру екендігін айтып, халықтың әл-ауқатын арттыру, тұрмысы төмен отбасылардың жағдайына көңіл бөліп, мүмкіндігі шектеулі азаматтардың жағдайын жақсарту, шағын және орта бизнесті дамыту, макроэкономикалық жүйені тұрақтандыру, жаңа салық саясатын енгізу, білім мен медицина саласындағы атқарылатын басым бағыттарға тоқталып өтті.

Шара барысында БПҰ мүшелері тарапынан қойылған сұрақтарға жауаптар беріліп, ой-пікірлері тыңдалды. Жолдауда айқындалған барлық жұмыстар бойынша тиісті шешімдер қабылдап, оны ел арасында насихаттау жұмыстары әлі де жалғасатын болады.