Алматыда Димаштың шоу-концерті өтті
Алматыда Димаш Құдайбергеннің «Stranger» атты шоу-концерті өтті, деп хабарлайды BAQ.KZ.
Кешті тамашалауға келген тыңдарманға Алматыдағы 21 мың адам сиятын Орталық стадион лық толды. Бұл жобаны ұйымдастыру барысында 200 кәсіби маман арнайы шақырылса, 400 ерікті жұмылдырылған.Дүйім жұрттың алдында ән салған дүлдүл әншінің шоуына әлемнің түкпір-түкпірінен келген тыңдарманның санында шек жоқ.
Димаш 2017 жылы Қытайда өткен халықаралық «I am A Singer» байқауынан кейін оның дүниежүзінде «Dears» атты жанкүйерлер армиясы қалыптасты. Қазақ баласының Алматыдағы кешіне әлемнің 70-ке жуық елінен фанаттары арнайы келген.
Айта кетейік, «Stranger» атты шоу-концерттің бағасы 8000 мыңмен 40 000 теңгені құрады. Сондай-ақ 24 қыркүйек күні Алматыда Димаш Құдайбергеннің жанкүйерлерімен жүздесуі, яғни фан-митинг өтеді. Аталған шараға әлемнің бірнеше мемлекетінен келген тыңдармандар бас қосады.
