Тазалық жұмыстары жүргізілді

17 қыркүйекте ауданымызда көркейту-көгалдандыру мен тазалық айлығы бастау алды. Бұл күні С.Есқараев атындағы №27 орта мектебінің техникалық қызметкерлері Аманкелді Иманов көшесінің бойында тазалық жұмыстарын жүргізді. Көше бойындағы арам шөптер шауып, арықтар тазаланды. Кентіміздің көркейіп, таза болуы барлық тұрғындар үшін өте маңызды. Көшеміздің тұрғындарын өз аулаларында, көше бетте үйдің есік алдында тазалық жұмыстарын жүргізіп, кенттің көркеюіне үлес қосуға шақырамыз.