Ауданда санитарлық-тазалық, көркейту-көгалдандыру және қоғамдық тәртіпті қадағалау бағытында көше комитеттерінің атқарар рөлі зор.
Бүгінде Жосалы кенті бойынша құрылған көше комитеттері осы үдеден шығып, қоғамдағы маңызды мәселелердің оңтайлы шешілуіне біркісідей атсалысып келеді.
Осы бағыттағы жұмыстарды одан әрі қарқынды жалғастыру мақсатында аудан әкімі Әділбек Ерсұлтанов кенттегі көше комитеттерімен кездесіп, еркін форматта пікір алмасты.
Жиында жеке тұрғындардың малдарын қараусыз қалдырмау, көше бойындағы қоқыстарды тиым салынған жерлерге тастамау және тұрғын үйлердің алдын таза ұстау қажеттілігі жөнінде насихаттық жұмыстарды күшейту туралы сөз қозғалды.
Жиын соңында аудан әкімі көше комитеттерін аудан орталығын таза ұстауға және көркейту-көгалдандыру жұмыстарын бірлесіп атқаруға шақырды.