Сыр өңірінде отбасы құндылығын берік ұстап, мәуелі бәйтеректей тамырын кеңге жайған өнегелі әулеттер жетерлік.

Тағылымға толы тәрбиені бойға сіңіріп, Отанға қызмет етер ұрпақ тәрбиелеген жанұялар кез келген құрметке лайық. «Отбасы күні» аясында бүгін облыс әкімі Нұрлыбек Нәлібаев «Алтын той» иелерімен кездесіп, ілтипат білдірді. Құрмет төріне шақырылғандар қатарында еңбектің арқасында абырой биігіне көтерілген қарапайым жұмысшы, құрылысшы, дихан, сауыншы, механизатор әулеттері бар. Олар 10-нан аса бала тәрбиелеп, немере, шөбере сүйген киелі шаңырақ иелері.

Мерекелік іс-шараға облыстық мәслихат хатшысы Наурызбай Байқадамов, қоғамдық кеңес төрағасы Әріп Қожбанов пен сала басшылары қатысты.

Аймақ басшысы қазақ халқы үшін отбасы ұғымы қашаннан қасиетті де киелі екені атап өтіп, саналы ұрпақ тәрбиелеуде үлгілі отбасы мен парасатты ата-ананың рөлі ерекше екенін жеткізді.

Құрмет төріне шақырылғандар қатарында Қармақшылық "Ешжановтар" отбасыда бар.

Іс-шара соңында «Алтын той» иелеріне жергілікті өнерпаздар жырдан шашу шашып, әулеттің аналарына сый-құрмет көрсетілді.