Мониторинг жұмыстары жүргізілді

«AMANAT» партиясы Қармақшы аудандық филиалы жанындағы партиялық бақылау комиссиясы мен мониторингтік топ мүшелері Жосалы кентіндегі дәрі-дәрмекке және жанар-жағар май бекеттеріне мониторинг жұмыстарын жүргізді.

Мониторинг жұмыстары барысында жанар май құю бекеттерінде дизель отынының тапшылығы байқалмайды. 1 литрі ҚР азаматтары үшін 230 теңге, шетел азаматтары үшін 450 теңгеден сатылуда. 1 жүк көлігі үшін 300 литрден артық дизельді май алуға болмайды. Техникалық паспортын көрсеткен азаматтарға 100 литр дизельді май беріледі.

Дәріханаларда дәрі-дәрмектердің бағасы қалыпты, алайда кейбір дәрілерге тапшылық байқалды.Қазіргі уақытта балалар арасында іш ауруы көбейгені байқалады,соған сәйкес іш ауруын тоқтататын дәрілер жақсы өтуде дейді дәріхана иелері. Дәрі бағаларының шарықтау деңгейін, сатып алынған дәрі-дәрмекке чек берілуін және дәрі-дәрмек бағаларының мемлекет бекіткен баға тұрақтылығы мен халыққа қолжетімділігі бойынша түсіндірме жұмыстары жүргізілді.