Адам өмірі отбасынан басталады, азамат болып қалыптасуы да осында өрбиді. Отбасы-сүйіспеншіліктің, құрмет пен ынтымақтастықтың ошағы.
Бәріміз білетіндей қыркүйек айының екінші жексенбісі Қазақстанда Отбасы күні болып аталып өтіледі.
Міне, осы атаулы күнге орай, Академик С.А.Джиенкулов атындағы Байқоңыр жоғары колледжі білім беру мекемесінде ата-аналармен жиналыс өтті. Балалардың құқықтары мен мүдделерін қорғау аясында өткізілген жиналысқа колледж директоры А.Дауленбаев, колледж директорының тәрбие ісі жөніндегі орынбасары С.Есеналиев, колледж психологы М.Кенеш, РФ ІІМ Байқоңыр қаласындағы кәмелетке толмағандар жөніндегі инспекторы, полиция аға лейтенанты Г.Зуева, ҚР ІІМ Байқоңыр кешеніндегі арнаулы өкілдігінің кәмелетке толмағандар жұмысы жөніндегі инспекторы, полиция лейтенанты М.Мурзагалиева және ата-аналар, білемгерлер мен колледж оқытушылары қатысты.
Жиналыс барысында колледж директоры А.Дауленбаев тақырып аясында сөз қозғап, бүгінгі әлеуметтік желіге кіраптар кезеңде бала тәрбиесіне үлкен мән беру керектігін айтып, өмірлік ақыл-кеңесімен бөлісті.
Өз кезектерінде сөз алған полиция қызметкерлері Байқоңыр қаласының өзіндік ерекшелігін айта келе, білімгерлердің жол қауіпсіздігі ережелерін қатаң сақтап, тәртіпті болуға шақырды. Сондайақ, ғаламтор алаяқтарынан сақ болуды, адам денсаулығына зиянды заттардан аулақ болуды айта келе, осы жайттың бәрі отбасындағы тәрбиеден, отбасының беріктігіне байланысты екендігін баса сөз етті.
"Отбасының жемісі-тәрбиелі ұл мен қызы" деген, мақтан етер ұрпағымыз көбейсін! Қазақтың әр отбасының керегесі кең, шаңырағы биік, түтіні түзу болсын!