Елорда төріндегі жәрмеңкеде Қармақшы күріші жоғары сұранысқа ие
Елордада Қызылорда облысының ауыл шаруашылығы өнімдерінің екі күндік жәрмеңкесі өтуде.
Жәрмеңкеге келушілер Қызылорда облысының брендіне айналған ақ күріші мен балығын, ас тұзын, қауын-қарбызын қызығушылықпен алып жатыр.
Елорда тұрғындарына 200 млн. теңге құрайтын 500 тоннадан астам Сыр дихандарының өнімі ұсынды.
Оның ішінде Қармақшы ауданының “Жаңажол” ЖШС-нің “Ақ маржан” күріші үлкен сұранысқа ие болып, ұсынылған 25 тонна күріштің 24 тоннасы жәрмеңкенің алғашқы күні сатылды.
