Қармақшы ауданы Ақжар ауылына қарасты №28 мектеп және Ақтөбе ауылының №109 мектеп оқушыларының қатысуымен Қармақшы ауданының полиция бөлімінің Жергілікті полиция қызметі бөлімшесінің учаскелік полиция инспекторы полиция майоры Ұзақбаев Жеңіс Ұзақбайұлымен «Жол қауіпсіздік ережелері» туралы кездесу өткізіліп, жасөспірімдердің жол үстінде жүру ережелері мен көлік қозғалысы кезінде автокөліктерден сақ болуына, жалпы жол ережесін білу – қауіпсіздік кепілі екенін түсіндірді. Бұл шара Республикалық «Абайлаңыз-балалар!» іс-шарасына байланысты жүргізілуде. Оқушылардың қауіпсіздігі жайында ақпараттық түсіндірме жұмыстары одан әрі жалғасын таба беретін болады.