Бүгін Өңірлік коммуникациялар қызметінің ұйымдастыруымен облыстық БАҚ өкілдеріне арналған Қармақшы ауданының әлеуметтік-экономикалық дамуы бойынша баспасөз-туры өтуде.

Журналистер назарына елдімекендерге табиғи газ тарту жұмыстары мен аудандағы ірі құрылыс нысандары және бірқатар ауыл шаруашылығы құрылымдарының жұмысы ұсынылды.

Сыр журналисттері алдымен Төретам және Ақай елді мекендеріндегі газ құбырларын жүргізу жұмыстарымен танысты.