Аудан әкімдігінің ұйымдастыруымен «Думан» сауда нысанында «Мектепке жол» акциясы аясында жәрмеңке өтті.

Оның басты мақсаты – аз қамтылған және көпбалалы отбасылардың балаларын қолдау, сондай-ақ халыққа қажетті заттарды төмен бағамен ұсыну.

Жәрмеңкеде мектепке қажетті кеңсе тауарлары мен киім-кешектер тұрғындар игілігі үшін арзан бағада сатылды. Сонымен қатар, жәрмеңке аясында аудан кәсіпкерлерінің демеушілігімен аз қамтылған 10 отбасыға қолдау көрсетілді.

Қайырымдылық акциясына аудан әкімінің орынбасары Жұлдызхан Байназарұлы қатысып, игілікті жұмыстардың іске асуына мұрындық болған кәсіпкерлерге ризашылығын жеткізіп, аудан әкімінің алғыс хатын табыстады.