«Мектепке жол» акциясы өтті

Аудан әкімдігінің ұйымдастыруымен «Думан» сауда орталығында облыс орталығындағы жеңіл өнеркәсіп саласының басшылары мен жергілікті кәсіпкерлердің қатысуымен республикалық «Мектепке жол» қайырымдылық акциясы аясында жәрмеңке өтті.

Жәрмеңкенің басты мақсаты - аз қамтылған және көп балалы отбасылардың балаларын қолдау, сондай-ақ халыққа қажетті тауарларды базар бағасынан төмен бағамен ұсыну.

Аталған акцияға Интернационал ауылдық округіндегі "Достық Жер МК" ЖШС-і, "Болашақ" және "Береке" ШҚ демеушілігімен 17 балаға түгелдей оқу құралдары мен киім-кешектер алынып, қолдау көрсетілді.