Қоғамдастық жиналысы өтті

Жақында Төретам кенттік клуб үйінде жергілікті қоғамдастық жиналысы өтті.

Күн тәртібіндегі қаралған мәселе бойынша Төретам кентіндегі көне No80 мектеп ғимараты сауда-саттыққа шығарылмайтындығын қоғамдастық мүшелері бірауыздан қолдады.

Мұнан соң Төретам кентіндегі атауы жоқ көшелерге Қуандық Игембаевтың және Ұлы Отан соғысының және ішкі істер органдарының ардагері Дүзбай Байтөреевке көше атауын беру туралы, А.Байтұрсынұлының 150 жылдығына орай Төретам кентіндегі Жаңақұрылыс көшесін А.Байтұрсынұлы атауына өзгерту туралы мәселелер талқыға түсті.

Сондай-ақ, жиында кент, аудан, қалааралық жолаушылар такси орындары – «Меруерт» сауда үйінің жаны, Теміржол вокзалы алаңы, «Тұлпар-Байқоңыр» ЖШС-на қарасты автобекеттің алды, «Нағжамұл» қонақ үйіне қарама-қарсы жер телімі болып белгіленді. Қоғамдастық мүшелері бұл орындарды сарапқа салып, тиімділігіне орай бірауыздан қолдады.