Қармақшы ауданында «Мектепке жол» жалпы республикалық қайырымдылық акциясы бастау алды. Балалар жылында бұл акция «Мектепке жол – Шекарасыз жақсылық» ұранымен өтіледі. Акция 2022 жылғы 1 тамыздан 30 кыркүйекке дейін жалғасады.

Аз қамтылған және көп балалы отбасылар, жетім балалар мен ата-анасының қамқорлығынсыз қалған балаларға жаңа оқу жылына дайындық кезеңінде көмек көрсету және әлеуметтік себептер бойынша оқушылардың мектепке бармауының алдын алуды мақсат тұтқан акция дәстүрлі түрде өткізіліп келеді.

Биыл да жылдағы дәстүр жалғасатынын акция барысында мектеп жасындағы балаларды білім ұйымдарында оқумен қамту, әсіресе күн көрісі төмен отбасылардан шыққан балаларға әлеуметтік көмек көрсету жөніндегі іс-шаралар ұйымдастырылатын болады. Акцияға кез келген адам қатыса алады: еріктілер, бизнесмендер, меценаттар, үкіметтік емес ұйымдар және т.б. Қатысушылар мұқтаж отбасылар мен балаларға қолдау көрсете алады.

Көмек алу үшін азаматтар білім беру ұйымдарына (мектепке) өтініш пен жоғарыда аталған санатына жататындығы туралы дәлелдейтін құжаттарын тапсырады. Әлеуметтік көмек көрсету туралы сұрақтар туындаған жағдайда аудандық білім бөлімінің 87243722701 сенім телефонына хабарласуға болады.