«БАЛАЛАР БІЗДІҢ БОЛАШАҒЫМЫЗ»
Қызылорда облысы жастар саясаты мәселелері басқармасының қолдауымен «Жас Отан» Жастар қанатының еріктілері «Балалар біздің болашағымыз» атты жобасы аясында үйден оқытылатын бүлдіршіндердің үйлеріне барды.
Жасотандық белсенділер «Балаларға қуаныш сыйла!» ұранымен өткен шарада балалармен қызықты уақыт өткізіп, жақсы көңіл-күй мен арнайы сыйлығын табыстап қайтты.
- Еріктілерге алғысымыз шексіз. Біз олармен мақтанамыз. Еліміздің болашағы жастарда. Жастар осындай игі бастаманы қолға алып, бүлдіршіндеріміздің көңілін аулап жатқанына рақмет айтамын. Балаларымыздың жүзіне күлкі үйріліп, сіздердің келгендеріңізге қатты қуанды” – дейді Ақботаның анасы.
