Синоптиктер алдағы үш күннің ауа райы болжамын жариялады
Kyzylorda-news.kz. Синоптиктер болжамынша, алдағы үш күн, 19-21 шілде аралғында Қазақстанда жауын жауып, жел күшейеді және аптап ыстық болады, деп хабарлайды «Қазгидромет» РМК.
«Аптаның басында Қазақстан аумағының басым бөлігі солтүстік-батыс антициклон ықпалында болады. 20 шілдеден бастап солтүстік-батыс циклон ойпаты мен онымен байланысты атмосфералық фронталды бөліктердің ықпалында болады. Осыған байланысты еліміздің басым бөлігінде жаңбыр жауып, найзағай ойнайды, жел күшейеді.
Елдің батыс және оңтүстік-батысында, ал 20 шілдеден бастап орталық, оңтүстік, оңтүстік-шығысында ауаның температурасы 40-45 градусқа дейін көтеріледі», – делінген синоптиктер хабарламасында.
