Аудан әкімі жеке қабылдау өткізді

Аудан әкімі Әділбек Бөрібайұлы тұрғындарды жеке мәселелері бойынша қабылдады.

Қабылдауға келген азаматтар негізінен тұрғын үй алу, жұмыспен қамту, аяқ су, табиғи газ орнату, қайтарымсыз несие алу және дипломмен ауылға бағдарламасы аясында үй алу мәселелерімен жүгінді.

Аудан басшысы тұрғындардың талап-тілектерін мұқият тыңдай келе олардың тарапынан айтылған өтініштерді оңтайлы шешу жолын Заң аясында қарастыратынын жеткізіп, тиісті сала басшыларына нақты тапсырмалар жүктеді.