Аудан әкімі жеке қабылдау өткізді

Аудан әкімі Әділбек Ерсұлтанов тұрғындарды жеке мәселесі бойынша қабылдады. Азаматтардың көтерген негізгі мәселелері тұрғын үй, газ мәселесі, дипломмен ауылға бағдарламасы бойынша үй алу, әлеуметтік көмек, аяқ су, ауыз су, жарықтандыру, қайтарымсыз несие, денсаулық сақтау және жұмыспен қамту салаларына қатысты болды.

Қабылдауға келген тұрғындардың ұсыныс-пікірлерін мұқият тыңдаған аудан әкімі тұрғындардың әрқайсысына жеке-жеке жауап беріп, айтылған мәселелерге байланысты заңдылығына сәйкес жұмыс жасау үшін тиісті сала басшыларына нақты тапсырмалар берді.