Жол картасының орындалуы талқыланды
Партияның Қармақшы аудандық филиалының мәжіліс залында партияның облыстық филиалының Атқарушы хатшысы, Қызылорда облыстық мәслихаттағы «AMANAT» партиясы депутаттық фракциясының жетекшісі Төрешова Ләйлә Бегалықызының төрағалығымен көшпелі мәжіліс отырысы өтті. Аталған отырыста «Өзгерістер жолы: әр азаматқа лайықты өмір» партияның сайлауалды бағдарламасын іске асыру жөніндегі Қармақшы ауданы бойынша Жол картасының іске асырылу барысы туралы мәселесі қаралды.
Сайлауалды бағдарламаның Жол картасы 7 бағытты қамтитын 80 іс-шарадан тұрады. 2022 жылдың 6 айында 80 іс-шараның 35-сі толығымен орындалды,
36-ы немесе 45,0 пайызы орындалу үстінде.
Отырыс барысында Жол картада көзделген әрбір индикаторлар мен іс-шаралардың орындалуын басты назарда ұстауға, депутаттық фракция, партия филиалы жанындағы қоғамдық кеңестерде іс-шаралардың орындалу барысын қарау тапсырылды.
