Жерлестің жеңісі
"Қазақстан барысы 2022" турнирінің жеңімпазы Мақсат Исағабыловты аудан халқы күтіп алып, орталық алаңда арнайы құрмет көрсетті.
Басқосу барысында аудан әкімі Әділбек Ерсұлтанов "Қазақстан барысының" чемпионы Мақсат Исағабыловқа Қармақшы ауданының ең жоғары наградасы "Құрмет грамотасын" табыстап, аудан жұртшылығының атынан ақ боз ат мінгізсе, жеке бапкері Болатбек Кенеевке қаржылай сыйақы табысталды.
Сонымен қатар "Қазақстан барысының" чемпионы Мақсат Исағабылов бозкілемде белдесу кезінде тілеулес болған барша аудан жұртшылығына рахмет айтып, алдағы болатын жарыстарда топ жаруға ниетті екендігін жеткізді.
Жиын соңында ауданымыздың құрметті азаматтары мен ардагерлері жеңімпазды құттықтап, ізгі тілектерін айтып, ақ батасын берді.
