Қазақстан мен Қытай 1 шілдеден бастап тікелей әуе қатынасын жандандырады. Бұл туралы ҚХР-дың Нұр-Сұлтандағы елшілігі хабарлады.
Қазақстан коронавирустың ел аумағында таралуына жол бермеу мақсатында 2020 жылдың ақпанында Қытаймен тұрақты жолаушылар авиатасымалын тоқтатты.

Қытай мен Қазақстан арасындағы тиісті келісімге сәйкес, 1 шілдеде екі ел арасындағы тікелей коммерциялық рейстер қайта жанданды, — делінген елшіліктің хабарламасында.

Қазақстаннан Қытайға баратын жолаушыларға бірқатар рәсімнен өту қажет екені түсіндірілген. Олар ұшу алдында оқшаулануға 10 күн жұмсауы керек, денсаулығын өз бетінше бақылап, тиісті кепілдік хатқа қол қоюы қажет.