Конституциялық референдумды басқа сайлаулармен шатыстырмау керек – сарапшы
Сайлауда азаматтар қалаған үміткерін таңдаса, реформалар бойынша дауыс беруде халық елдің тікелей даму бағытын анықтайды. Осылай деген сарапшылар бүгін Орталық коммуникациялар қызметі алаңында Ата Заңға енгізілуі мүмкін өзгерістер мен толықтырулар жөнінде түсіндіру жұмыстарын жүргізді.
Алуа Жолдыбалина, ҚР Президенті жанындағы ҚСЗИ директорының орынбасары:
– Екеуі де ұқсас процесс. Ол жерде де халық қатысады. Дауыс береді. Бірақ екеуінің айырмашылығы, референдумде кез келген мәселе күн тәртібіне шыға бермейді. Көп жағдайда ең жиі кездесетін сұрақ Конституцияға өзгеріс. Екінші ол президенттің өкілеттігін ұзартуға немесе қысқартуға байланысты референдум өткізеді. Үшіншісі ол тәуелсіздікке қатысты. Көп жағдайда мемлекет белгілі бір одаққа мүше болады немесе одан шығады. Яғни осындай ел үшін, халық үшін тарихи маңызды тақырыптар көп жағдайда референдумге шығарылады.
