Астанада қазақ тіліне аударылатын 100 жаңа кітап таныстырылады
Бұлар – гуманитарлық білімнің барлық бағыты бойынша әлемдегі ең үздік университеттер пайдаланатын озық оқулықтар.
Тура бір жыл бұрын Елбасы ұсынған «Рухани жаңғыру» бағдарламасының аясында күні бүгінге дейін осындай 18 кітап аударылды. Оның 16-сы – ағылшын, біреуі – француз, енді бірі орыс тілінен тәржімаланған. Аталған еңбектер философия, әлеуметтану, психология, экономика, менеджмент, кәсіпкерлік, дінтану, лингвистика, мәдениеттану, антропология мен журналистика пәндерін қамтиды. Енді заман талабына сай тағы отызы биыл мемлекеттік тілде басылып шықпақ. Аударылған оқулықтар жаңа оқу жылынан бастап жоғары білім беру жүйесіне енгізіледі.
