"17 қаңтар күні таңертең қоғамдық қорға 6 519 қазақстандықтан 10,1 миллион теңге түсті. Заңды тұлғалар 12,36 миллиард теңге аударды", - дейді қордың баспасөз қызметі. 
Заңды тұлғалар арасында "Kaspibank" АҚ және оның құрылтайшылары Вячеслав Ким мен Михаил Ломтадзе – 10 миллиард теңге, "Халық" қайырымдылық қоры" ЖҚ – 2 миллиард теңге, "Степногорск тау-кен химия комбинаты" ЖШС – 350 миллион теңге аударған.
"Қазақстан халқына" қоры ақша аударған барша қазақстандыққа, ірі кәсіпорындарға, еңбек ұжымдарына алғыс білдірді.
Қор басшылығы барлық қаржының ашықтығы мен есептілігі толығымен қамтамасыз етілетінін мәлімдеді. Ақша Қазақстан халқының игілігіне, денсаулық, әлеуметтік сала, білім, мәдениет және спорт проблемаларын шешуге бағытталады. Сонымен қатар, қор орфандық және басқа да аурулары бар балаларға, халықтың әлеуметтік осал топтарына, қаза тапқан әскери қызметкерлердің, құқық қорғау және арнайы органдар қызметкерлерінің отбасыларына, сондай-ақ басқа да қайырымдылық мақсаттарға қолдау көрсетеді.
Бизнесмендер, меценаттар және жанашыр азаматтар "Қазақстан халқына" қорына мына деректемелер бойынша қаражат аудара алады:

• "Қазақстан халқына" қоғамдық қоры, ЖСН/БСН: 220140006999, Кбе 18, KZ97601A871001692501 KZT, "Қазақстан халық банкі" АҚ;
• "Қазақстан халқына" қоғамдық қоры, ЖСН/БСН: 220140006999, Кбе 18, KZ52722S000011856768 KZT, "Kaspi Bank" АҚ.